अनधिकृत बांधकाम नियंत्रण विभागाचे तर्फे सुट्टीच्या दिवसीय ही कारवाई

 कल्याण डोंबिवली  महानगरपालिका तर्फे अनधिकृत बांधकाम कारवाई  

DT न्यूज़/स्वदेश मालवीय

 कल्याण : 3 जुलाई 2022 रोजी महापालिकेच्या 4/जे प्रभागातील ' साई कृपा अपार्टमेंट या तळ+3 मजल्याच्या आणि 2/ब प्रभागातील काळे बिल्डिंग या तळ+2  मजल्याच्या  अतिधोकादायक इमारतीवर निष्कासनाची  कारवाई करण्यात आली आहे.

4/जे प्रभागाच्या सहा. आयुक्त हेमा मुंबरकर यांनी कल्याण (पूर्व)  नेतीवली रोड येथील साई कृपा अपार्टमेंट' या  तळ+3 मजल्याच्या अतिधोकादायक इमारतीवर  निष्कासनाची कारवाई नुकतीच  केली. सदर इमारत  50 ते 55 वर्षे जुनी असून,या इमारतीस मे 2022 पासून नोटीस बजावण्‍यात येत होती. या इमारतीमध्ये 20 सदनिका असून सदर इमारत रहिवास मुक्त होती. सदर निष्कासनाची कारवाई

उपअभियंता सुनील वैद्य, अनधिकृत बांधकाम नियंत्रण विभागाचे कर्मचारी, महापालिका पोलिस कर्मचारी, कोळसेवाडी पोलीस स्टेशन अधिकारी/कर्मचारी, वाहतूक शाखेचे पोलिस कर्मचारी यांच्या मदतीने आणि १ पोकलेन सहाय्याने निष्कासन  करण्यात आली.

त्याचप्रमाणे २/ब प्रभागाचे सहा. आयुक्त किशोर ठाकूर यांनी कल्याण (प) रामबाग मेन रोड , ममता मेडिकल समोरील काळे बिल्डिंग या तळ + 2 मजल्याच्या  अतिधोकादायक  इमारतीवर काल निष्कासनाची कारवाई सुरू  केली .  सदर इमारतीस सन 2019 पासून नोटीस बजाण्यात येत होती. ही इमारत रहिवासमुक्त होती.

सदर कारवाई सहा. अभियंता प्रकाश मोरे, अनधिकृत बांधकाम नियंत्रण विभागाचे कर्मचारी, महापालिका पोलिस कर्मचारी यांच्या मदतीने  आणि 1 ब्रेकर व हातोड्याच्या सहाय्याने  करण्यात येत आहे.